ৰঙিয়াত ক্ৰমাগতভাৱে দ্বিতীয়বাৰৰ বাবে জয়ী হʼল মন্ত্ৰী ভবেশ কলিতা

ষ্টাফ ৰিপʼৰ্টাৰ , চৈয়দ মোস্তাফা আহমেদৰ প্ৰতিবেদন , ৰঙিয়া , ২ মেঃ ৰাতিপুৱা ৮:०० বজাৰ লগে লগে সমগ্ৰ ৰাজ্যৰ লগতে ৰঙিয়া নিৰ্বাচনী জিলাতো ৫৬ নং কমলপুৰ বিধানসভা সমষ্টি আৰু ৫৭ নং ৰঙিয়া বিধানসভা সমষ্টিৰ ভোটগণনা আৰম্ভ হয় । প্ৰথমে পোষ্টেল বেলত যোগে প্ৰদান কৰা ভোট গণনাৰ অন্তত ৫৭ নং ৰঙিয়া বিধানসভা সমষ্টিৰ বিজেপি মিত্ৰযোটৰ প্ৰাৰ্থী ভবেশ কলিতাই লাভ কৰিবলৈ সক্ষম হয় মুঠ ৮৪৮৪৪ টা ভোট , ইয়াৰ বিপৰীতে কংগ্ৰেছ মহাজোটৰ সমৰ্থিত তথা চিপিআই এম দলৰ প্ৰাৰ্থী ডাঃ ভগৱান দেৱ মিশ্ৰই লাভ কৰিছে ৬৪৬২৪ টা ভোট , অৰ্থাৎ মন্ত্ৰী ভবেশ কলিতাই মহাজোটৰ প্ৰাৰ্থী ডাঃ মিশ্ৰতকৈ ২०২২० টা অধিক ভোট পায় জয় লাভ কৰে । আনহাতে , ৰাইজৰ দলৰ হৰেশ্বৰ বৰ্মণে লাভকৰিছে ৩৫०৫ টা ভোট , অজাপৰ ডাঃ বাবুল চহৰীয়াই লাভ কৰিছে ৩৫৬०টা ভোট , নিৰ্দলীয় প্ৰাৰ্থী জয়ন্ত কলিতাই লাভ কৰিছে ১২৯० টা ভোট , চাহাবুদ্দিন আহমেদে লাভ কৰিছে ১०৯২ টা ভোট আৰু ৰঙিয়াত জে দি ইউ দলৰ তৰফৰ পৰাও বিশ্বজিৎ ব্ৰহ্মই প্ৰাৰ্থীত্ব আগবঢ়াই ৬১১ টা ভোট লাভ কৰে, ইয়াৰোপৰী ভোটাৰ্চ পাৰ্টী ইন্টাৰনেচনেলৰ প্ৰাৰ্থী পবিত্ৰ বড়োৱে লাভ কৰে ১৩৭১ টা ভোট । প্ৰত্যশিতভাবেই এইসকল বহুধাবিভক্ত দল তথা নিৰ্দলীয় প্ৰাৰ্থীয়ে প্ৰায় ১২ হাজাৰতকৈও অধিক ভোট নিজৰ দখললৈ আনিবলৈ সক্ষম হয় । আচৰ্যজন কভাৱে ১৯২৫ টা ভোট নোটাত পৰে, মুঠ ভোটৰ সংখ্যা আছিল ১৯৫৪৩৯ টা । ইয়াৰে বৈধ ভোটৰ সংখ্যা আছিল ১৬২৮২২ টা আৰু ৩২৭ টা ভোট অগ্ৰাহ্য হয় । উল্লেখযোগ্য যে , ৰঙিয়া সমষ্টিত ক্ৰমাগতভাৱে দ্বিতীয় বাৰৰ বাবে জয়ী হোৱাৰ কৃতিত্ব অৰ্জন কৰিবলৈ সক্ষম হয় মন্ত্ৰী ভবেশ কলিতাই । সাংবাদিকৰ সৈতে মুখামুখীহৈ মন্ত্ৰী কলিতাই ৰঙিয়াৰ ৰাইজক ধন্যবাদ জনাই কয় যে , এয়া ৰঙিয়াবাসী ৰাইজে দিয়া মৰম আৰু আশীৰ্বাদ, অনাগত দিনত এয় বিজয়ে ৰঙিয়াৰ উন্নয়নৰ গতি অধিক তৰান্বিত কৰিব বুলিও মন্তব্য কৰে । সাম্প্ৰতিক কʼভিদ পৰিস্থিতিৰ বাবে ৰঙিয়া মহকুমা প্ৰশাসনে যিহেতু অনাগত ৫ দিনৰ বাবে ১৪৪ ধাৰা জাৰি কৰিছে , সেইহেতুকে বিশেষ কোনোধৰণৰ বিজয় উৎসৱ অথবা ৰেলী পালন কৰা দেখা নগʼল ।

LEAVE A REPLY

Please enter your comment!
Please enter your name here